ومن البرد ليلـــــــــــك ما تنامه
هسه البيت زين وصار بيه جام
بس كلب العراقي انكــسر جامه
الكراسي كاعده فوك الـــكراسي
لان ماكو زعيم ولا زعامــــه
ذله بذلة نكضي الليل ما ننـــام
والبصبح بالمدرسه ندرس كرامه
ووالدنه الوطن بابا نــــسميه
شو بابا عدل وحنة يـــــتامه
عجيب شكد ايمة يا وطن بيــــك
ووجهك للرحم ما بيه علامـــــه
عجيب وبيك ابو فاضل العباس
عند جف ولا عندك شهامــــــه
ممنوع التجول يا وطن بيـــــك
لان حتى الدرب ساحب اقسامه
وشمل منع التجول حتى العظام
والدم ماكدر يمشي بعظامــــــه
حمام الناس ونته يا وطن حوم
منك ما اظن تسلم حمامــــــة
انت بروفيسور بقبض الارواح
وعزرائيل الك دنك الهامـــــه
يوميه قيامه يا وطن بيــــــك
اذن كلش سهل يوم القيامـــــه
موضوع: ايامنا وتسلط الحكام على العراق والعراقيين 
الأحد مارس 07, 2010 7:39 pm
