اســـولف بيـــك

اسولف بيك ...اسولف بيك
سوالف يالعزيز بروحي تفزز
سوالف ما كلتهه لناس . بس اعليك ما تنعز
طبع بالروح صار وياي من احجي العتب يبرز
اظلن ليك اودي اعتاب .. اودي الروح لو تندز
شكلك يالكطع طبعك ... اكول اكره اكول انسى
اكول اكطع .. يطبع بروحي بعده يعز
وانا الشامخ اظل بريح .. بمكاطعك عيب انهز
حسافه شلون اسولف بيك واسمك من سجلي انجز
احسبك يا وجه .. ياصوت .. شامت عن عدو شفرز
شسولفلك .. اخاف احجي .. واخاف
تغثك احجايه
واخاف وياي تتنفرز
حرت شلون اوصفك بيش .. صدكني الوصف يعجز
شسولفلك .. شاريد احجي
مثل ام التربي التوم .. صفت كاروك خالي تهز
عروس وحارباهه البين .. ترجيه اعلى خدهه تبز
يعكده انشدت تلاثين شده وبعدهه تحز
ابحر وصلك جميع الناس صادت حوت صادت بز
جا هلبت تحن بزفرت الزوري .. ولو شصي جذب يغمز
ولك حتى العتب خجلان .. عزه روحي من اعتب ترد اتجز
عفاني شلون اسولف بيك شلون اسمك وسط جلماتي يتطرز
اشفت منك وانا التعبان .. تعبي وياك حصة الوز
تفطر كلبي الحسرات .. تعال ويالعزيز ادرز
لليوصل رخيصه الروح ...واليكطع اكله (؟؟؟؟؟؟)
بقلم الشاعر طالب الشمري