أمي ...
امي كصبه من تهل هور المعيل بس عتيجه
هي صح ما بيهه لمعه بس جذورهه هوايه غميجه
امي تهوى الكوخ وتمل القصر
امي تعرف بالعشاير والمضايف والسير
امي جرغدهه حبر أحله حبر
امي محبسهه شذر احلى شذر
امي تنطي الزاد من راس الجدر
امي تطعم جارهه وما تنتظر
امي يا بلقيس يا شجرة الدر
امي علمتني المداخل بالشعر
اخلاف امي ............... هيج كل كلمه صفر
امي طوية خيزران تعبت وما تنكسر
امي باعت كل ذهبهه وكسرت انياب العسر
امي تضحك للهوى وما تنقهر
امي تربتهه وسيعه وتتوضه كبل عصفور الفجر
وصوم رمضان أمي تتلكاه بشهر
ومن زغرهه لحد كبرهه ابد ما غثت بشر
الكاع لو تمشي عليهه تنشر الهه من الضرر
وهسه يبرالي وجهه ابكل قصيده وكل سطر
.................................................. .....................للشاعر نعمه مطر العلاف
اتمنى تنال اعجابكم
تحياتي
موضوع: ((امي )) 
الإثنين مارس 08, 2010 6:25 pm
