الى انثى ربت اهلى واجدادي

صبرتي وداعتج وألصبر مريود ..
منج يا رقيقة إبرقة ألطيف ..
أليمر بحلم وردي بكحل بارود ..

يا أجمل حديقة بشارع ألعوز ..
يا حي ألكآبة ألخضر إورود ..
ألعود أليابس إنزرعة ونخليه ..
ويرد أخضر لون مس كاعج ألعود ..
يا نظرة برائة إبركبة ألسيف ..
أليحز ضحكة يتيم وعاش مكرود ..
يا صفنة إلنار إبجية ألماي ..
صفنة خوف إهي ماعوزهة إشهود ..
أذا سبعة ألعجايب قلة وألله ..
لأن بيج ألعجايب مالهة إحدود ..

ألماموجود بيج يكون موجود ..
ألسبب بس وحدج بارضي ألعجيبة ..
ما شايف مدينة إتربي ألأموات ..
بحضنهة أطفال ترضع بالمصيبة ..
ولا شايف مدينة إتلولي للموت ..
دللول ألولد يمة وتجيبة ..
ولا شايف مدينة ألطفل لو يوم ..
عمرة تخضر إبدلالة شيبة ..
ولا شايف مدينة إبكبر بغداد ..
شريفة وطاهرة وطيبة ونجيبة ..
ياعبلة وعراقج إبن شداد ..
حبيب وما أظن ينكر حبيبة ..
ألشجاعة بديرتج وألرجل لو جان ..
وفي منج إذن يرضع حليبة ..

يا أم أليتامة ألربو بالعوز ..
محتاجين لاكن مالهم قوت ..
من حضنج لحضن ألضيم وأنوب ..
بكماط ألمصيبة يزورهم موت ..
وعو شافو ضمير ألناس مكتول ..
لذلك ما وعو مابين ألبيوت ..
من كثرت ألموتة ألترسو ألكاع ..
ظنو بيتهم مصنوع تابوت ..

يل بحضنج ربت كل ألفراشات
وأحنة وية ألحرب وألدم ربينة
نحبج مو لأن نعيش وياج
ولا رفقآ بحالج شي حزينة

صدكوني ما احب اي مدينة مثل بغداد وما اكو بل لايوجد بلد مثل العراق
والف تحية الكل المنتدى